Sport

Lewandowski pasi mori Këpucën e Artë: “Jam si vera… ndihem shumë mirë”

Robert Lewandowski e ka fituar Këpucën e Artë për herë të parë në karrierë, çmim të cilin e pranoi gjatë ditës së sotme. Sulmuesit të Bayern Mnich, Robert Lewandowski, iu dorëzua këtë të martë “Këpuca e Artë” e Europës, trofeu prestigjioz individual, i fituar prej tij falë 41 golave të shënuar sezonin e kaluar në Bundesligë.

Edhe pse ka mbushur 33-vjeç, polaku këmbëngul se ka ende shumë për të dhënë në nivelet më të larta dhe se është i përkushtuar për të fituar trofe të tjerë me Bayernin. Pavarësisht moshës, ai thotë se po punon shumë që edhe për disa vite të jetë në nivele të larta. “Mosha është thjesht çështje shifrash. Ndihem shumë mirë, kam vlerat më të mira që kam pasur ndonjëherë.

E di se ende mund të luaj në nivelin më të lartë për vitet në vazhdim. Jam si vera e mirë dhe shpresoj të bëhem edhe më mirë me kalimin e kohës”, u shpreh ai. Statistikat e Lewandowskit nuk e shmangin dot krahasimin me dy të mëdhenjtë e futbollit, që janë ende në aktivitet, Lionel Messi dhe Cristiano Ronaldo.

“Garën e kam gjithmonë me veten time. Ajo që bëjnë ata të dy është diçka që mund të mos përsëritet për një kohë të gjatë. Unë shoh atë që mund të bëj dhe jap. Duhet shumë punë dhe respekt”. Messi ka fituar më së shumti Këpuca të Artë në histori, gjithsej gjashtë, Ronaldo renditet pas tij me katër.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: