Kylian Mbappe nuk do të largohet nga PSG në merkaton e dimrit. Sulmuesi francez ka qartësuar të ardhmen e tij në një intervistë të dhënë së fundmi për CNN.
“Më pyesni nëse do të largohem nga PSG? Sigurisht që nuk do të ndodhë në janar. Me 100% do të përfundoj këtë sezon me skuadrën time aktuale. Do të jap gjithçka për të fituar Champions League, kampionatin dhe Kupën, dhe për t’ju dhënë kënaqësi tifozëve pasi e meritojnë. Kam qenë i ndershëm. Qëndrimi te PSG? Kam bërë atë që kisha në zemër dhe jam i lumtur që qëndrova. Ky është dhe qyteti im. Në Paris kam lindur dhe jam rritur. Tani dua të fitoj gjithçka këtë sezon.
Të luash për PSG është një ndjesi e jashtëzakonshme, pasi luan me familjen dhe miqtë që ke në krah. Është një kënaqësi e madhe kur ju them miqve se luaj me Messin. Do të argëtohemi duke e parë në Paris. Ky është një moment fantastik në historinë e futbollit.
E vetmja gjë që kam ndër mend është ta mund Realin në shkurt dhe në mars. Duhet të jemi gati pasi është momenti. Është pjesa më e rëndësishme e sezonit. Sigurisht, tani duhet të bëjmë hopin cilësor. U bënë dy vjet që shkojnë në finale, dhe në gjysmëfinale, por tani duam trofeun. Gjithsesi nuk jam penduar që thashë verën e kaluar se doja të shkoja te Reali. U tregova i sinqertë dhe thashë atë që ndieja në atë moment”, deklaroi Mbapppe.