Tifozëve të Milanit iu është rikthyer disi gëzimi pas nënshkrimit të Zlatan Ibrahimoviç. Pavarësisht moshës së madhe ka ende pritshmëri për këtë sulmues, që vitet mbi shpinë nuk i tregon asnjëherë sesa i rëndojnë.
Por po punohet për të ndërtuar edhe Milanin e ri, ose siç quhet shpeshherë, Milani i madh. Kontaktet dhe puna vazhdon, megjithëse jo në dritë, që fondi Eliott t’ia kalojë pronësinë e klubit atij Arnault. Pikërisht pronarit të Louis Vuitton, që është një nga më të pasurit në botë. Këto kontakte i pohon edhe gazetari italian, Enzo Bucchioni.
“Po punohet për rreth 850-900 milionë euro që do të jetë shitja. Nga Anglia thuhet se trajneri më i vlerësuar për Arnault është Pep Guardiola. Nuk duhet që të befasohemi. Nëse Z. Vuitton futet në futboll, atëherë normalisht që do të bëhet numri një, siç janë markat e tij të modës. Qëllimi është që gjithçka të mbyllet në kohën e duhur, për të ndërtuar ekipin e së ardhmes”, ka thënë Bucchioni.
