Futbollisti brazilian, Neymar Junior, tashmë ndodhet në Barcelonë për t’u përballur në gjyq me ish-skuadrën e tij, FC Barcelonën. Nesër rreth orës 9:30, sulmuesi i Paris Saint Germain, do të paraqitet në gjyqin që ai ka me Barçën, të cilën ai e paditi për mospagimin e shumës për rinovim të kontratës.
Neymar ka thënë se kishte marrë vetëm 14 milionë nga 40 siç ishte marrëveshja me klubin katalunas dhe me anë të këtij gjyqi i kërkon 26 milion plus interest. Në anën tjetër, edhe Barcelona ka paditur këtë lojtar, pasi që deklaron se ky bonus nënshkrimi do të përmbushej deri në skadim të kontratës në qershor të vitit 2022, dhe sulmuesi nuk e arriti pasi që u largua në gusht të 2017-tës rejt PSG-së, i cili e pagoi plot 222 milionë euro.
Ky gjyq është paraparë të zhvillohej më 31 janar, mirëpo është shtyer me kërkesën e klubit të Barcelonës që kishte në lidhje me paraqitjen e kontratës origjinale që Neymar ka me klubin parisien, e që deri më sot nuk u ofrua nga presidenti i klubit, Nasser Al-Khelaifi.
🚨 Neymar ya está en Barcelona y mañana irá al juicio contra el Barça https://t.co/yoqrkJJyfx vía @RogerTorello pic.twitter.com/or59Ib7XkL
— Mundo Deportivo (@mundodeportivo) September 26, 2019