Sot është një ditë e veçantë jo vetëm për basketbollin Vlonjat por dhe atë shqiptar, pasi një nga ikonat e padiskutueshme të basketbollit tonë ka ditëlindjen sot 20 Nëntor 2021, Petrit Stefa mbushi 76 vjeç . Basketbolli është i lidhur ngushtësisht me emrin e Petrit Stefës sepse jeta e tij është e lidhur ngushtë me basketbollin.
Tek Petrit Stefa, gjithmonë do të jenë të pasqyruara vitet e punës ku patjetër rol kryesor në arritjet e tij është sigurisht puna dhe disiplina ku dhe fal përkushtimit ka arritur këto rezultate.
Njerëz të tillë si Petrit Stefa me pasionin e tyre, vijnë rrallë dhe kur vijnë duhet t’i mbash fort si udhërrëfyes. Sigurisht detyra jonë si klub është që pasioni dhe përkushtimi i Petrit Stefës të përcillet në breza si dhe të shërbej si model për gjithsecilin nga sportistët. Edhe 100 kampion!