Sport

Rrahmani drejt Napolit, zbulon detajet e marrëveshjes

Amir Rrahmani gjithnjë e më pranë Napolit. Mbrojtësi i përfaqësueses së Kosovës është kthyer në një objektiv konkret për klubin e Aurelio De Laurentiis, që nën drejtimin e Gennaro Gattusos kërkon të rikthehet te lavdia. Lojtari i Hellas Verona ngjalli interesin e skautëve blu, së bashku me shokun e tij të skuadrës, Amrabat.
Aftësitë e Rrahmanit për të luajtur me 4 futbollistë në prapavijë, loja në ajër dhe forca për tu përballur tek për tek me kundërshtarin dhe eksperienca te një klub italian, siç është Verona e bën 25-vjeçarin futbollistin ideal për Napolin.

Bisedimet mes palëve janë futur në fazë mjaft të nxehtë, me Rrahmanin që ka gjetur akordin për kontratë 5-vjeçare me Napolin dhe natyrisht pagë më të lartë. Gjithçka pritet të zyrtarizohet gjatë muajit janar, me kushtet që janë vulosur në blerjen përfundimtare të tij për shifër mes 10-12 milionë euro, me kusht që Napoli të lejoj të qëndrojë në Veneto deri në fund të sezonit.

Artikuj të ngjashëm

Leave a Reply

Your email address will not be published.

Back to top button
Close