Sport

Tërhiqet edhe Atletico Madridi, mbesin vetëm 4 klube në listën e Superligës

Atletico Madridi është klubi i radhës që është tërhequr nga projekti i Superligës Evropiane.Në një njëjtën kohë me Interin, gjiganti spanjoll njoftoi se nuk do të jetë më pjesë e projektit për Superligën.

Atletico është klubi i parë spanjoll që njofton largimin, ndërkohë që Real Madridi dhe Barcelona ende mbesin pjesë e listës së Superligës. “Atletico Madridi vendosi të hënën e kaluar t’i bashkohet këtij projekti si përgjigje ndaj rrethanave të cilat nuk ekzistojnë më sot. Meritat sportive duhet patjetër të triumfojnë para çdo kriteri tjetër”, thuhet në njoftimin e Atleticos për largim.

Ndërkohë, themeluesi i Superligës dhe presidenti i Juventusit, Andrea Agnelli, e ka pranuar se ka dështuar përfundimisht Superliga Evropiane, e cila për synim kishte ta zëvendësonte Ligën e Kampionëve si garën kryesore evropiane për klube. I pyetur të mërkurën nëse ende ka gjasa që projekti i tyre të realizohet pas largimeve, Agnelli tha për Reuters: “Të jem i sinqertë me ju, jo, përfundimisht nuk do të ndodhë”.

Para Interit dhe Atleticos, të martën vonë u tërhoqën edhe gjashtë klubet angleze, Manchester City, Manchester United, Chelsea, Liverpool, Arsenal dhe Tottenham u tërhoqën. Nga 12 klube themeluese të kësaj lige, vetëm Real Madridi, Barcelona, Juventusi dhe Milani kanë mbetur ende në listë.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: