Dejvi Bregu çon një hap larg kreut Teutën. Një supergol i sulmuesit vlonjat i mjaftoi durrsakëve për të mposhtur Vllazninë në një ndeshje me pak raste, të mërzitshme, të dominuar nga kujdesi i tepërt dhe të vendosur nga episodet që ishin në favor të djemve të detit, pasi Vllaznia u ndal te traversa në fundin e saj, duke qenë tashmë në krizë rezultatesh që e ka bërë të humbasë një epërsi të ndjeshme me ndjekësit, ndërsa për Teutën një tjetër ndeshje ku luajti me nervat e kundërshtarit dhe në fund arriti ta fitojë.
Laçi në top formë, kalon edhe pengësën e Kukësit duke i mposhtur me shifrat 2-1 në Elbasan Arena. Bardhezinjte rikonfirmojnë veten si një prej pretendentëve kryesorë në garën drejt titullit. Për skuadrën e Shpëtim Duros suksesi 6-të i në 7 ndeshjet e fundit bilanc tejet pozitiv. Golat për kurbinasit u realizuan nga Emiliano Musta dhe Regi Lushkja me një penallti shumë të kontestuar nga futbollistët e Kukësit, ndërkohë që për Kukësin barazoi përkohësisht Patrick Eze. Me fitoret respektive Laçi dhe Teuta dhe shohin veten në vendin e 2-të vetëm një pikë pas Vllaznisë kryesuese.