Tirana nuk ka mundur që të marrë më shumë se një pikë në transfertën ndaj Teutës. Bardheblutë barazuan 1-1, në një ndeshje që e dominuan për thuajse 90 minuta, por në fund portieri Ilion Lika gaboi duke i dhënë 1 pikë vendasve.Bardheblutë kaluan në avantazh që në minutën e 19-të. Ngoo shfrytëzoi një aksion të mirë dhe me topin e mbetur në zonë e dërgoi në rrjetë për 0-1. 45-minutat e para u mbyllën me këtë rezultat. Teuta reagoi në pjesën e dytë, por sërish nuk arriti të rrezikonte seriozisht portën e Likës. Bardheblutë menaxhuan më së miri ndeshjen në minutat në vazhdim, duke patur raste të tjera shënimi, deri në momentin kur Hoxhallari u ndëshkua me kartonin e dytë të verdhë në minutën e 76-të.Edhe në inferioritet numerik Tirana rezistoi me autoritet, por Ilion Lika, nuk vlerësoi si duhet një parabël, duke i dhënë një asist Rustem Hoxhës në minutën e dytë shtesë në tentativën për të larguar topit mbi tra. Kartoni i dytë i verdhë për Torasën bëri që Tirana të luante edhe disa minuta me 2 lojtarë më pak, por Teuta nuk pati qetësinë e duhur për të shënuar golin e dytë.
Skënderbeu duket se ka nisur të dorëzohet me fillimin e fazës së dytë. Skuadra korçare u mposht 1-4 nga Laçi në Korçë, ku dy nga katër golat e kurbinasve i shënoi Nëabueze. Vendësit kaluan ne epërsi që në minutën e 5-të me një supergol nga distanca të Nazmi Gripshit nga distanca, por 20 minuta më vonë u kundërpërgjigj me të njëjtën cilësi Regi Lushkja, që ktheu baraspeshën në rezultat.
Me fillimin e pjesës së dytë kurbinasit përmbysën rezultatin me Nwabeeze, i cili pasi fitoi duelin me Pollozhanin, gjuajti lehtë brenda zonës për ta kaluar topin në rrjetë pas shpinës së Koliçit. Redon Xhixha mori një asist nga Nwabeeze në minutën e 63-të, shënoi të tretin për Laçin, ndërsa sulmuesi më i mirë i Superiores (Nwabueze) mbylli llogaritë në minutën e 83-të me golin e 1-4, pasi një topi të gjatë të portierit Stazhilla.
