Sport

“Topi i Artë”, 30 kandidatët që kanë shansin për ta fituar (Foto)

Kush do të jetë pasuesi i Luka Modric? France Football ka bërë tashmë të ditur emrat e 30 finalistëve kandidatë për Topin e Artë. Mes favoritëve është padyshim Lionel Messi, fitues i Fifa The Best, në kërkim të trofeut të gjashtë personal, që do ti lejonte të shkëputej nga rivali i përjetshëm Cristiano Ronaldo. Mes atyre që shpresojnë të pengojnë Pleshtin e portugezin në betejën e tyre, janë natyrisht Virgil van Dijk, mbrojtësi qendror i Liverpool kampion Europe, por edhe një frikësues si Mbappe. Në 2 dhjetor do të bëhet ceremonia e dorëzimit në Parigi.

Lista është përcaktuar nga një juri ndërkombëtare prej 180 gazetarësh të specializuar, me nga vetëm një përfaqësues për vend, që ka detyrën të votojë 5 futbollist në rend meritash. 5 lojtarëve të përmendur do ti jepen respektivisht 6 pikë, 4, 3, 2 e 1. Në rast se verifikohet një situatë barazie pikësh përdorëzimin e trofeut, do të merret në konsideratë, për secilin lojtar, numri i vendeve të para. Nëse, për kombinim, do të ketë një tjetër barazi, do të zbritet të numërohen vendet e dyta e pastaj vendet e treta. Nëse ekziston një ekuilibër total, do të organizohet një balotazh i ri, por vetëm mes lojtarëve që janë barazim.

REKORDET
Lionel Messi e Cristiano Ronaldo, me 5 trofe secili janë lojtarët që e kanë fituar më shumë këtë trofe të rëndësishëm. CR7 është më i riu që e ka fituar ndonjëherë trofeun, në moshën 21 vjec e 3 muaj.

Stanley Mattheës ka qenë më i vjetri që e ka fituar cmimin, 41 vjec e 11 muaj. Messi mban vendin e parë për numrin më të madh të sukseseve radhazi (4), duke e marrë trofeun nga edicioni i 2009 në të 2012.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button