Vasil Ruci është një prej legjendave të Flamurtarit të Vlorës, që ka arritur ndër majat e futbollit shqiptar në Europë në vitet ’80. Ai u bë shqiptari i parë që i shënoi 2 gola skuadrës së Barcelonës. I ftuar në emsionin “Opinion” në Tv Klan, Ruci tregon për emicionet që ka përjetuar ekipi kur mësoi se do të përballej me Barcelonën teksa tregoi një fragment bisede me një gazetar spanjoll. Blendi Fevziu: Shumë njerëz nuk dinë që Flamurtari ka zhvilluar 2 ndeshje rresht ndaj Barcelonës, ndeshja e parë në 1986 dhe e dyta në vitin 1987. Vasil Ruci: Vetëm në vitin 1987 nuk donim që të na binte për arsye se ishim të bindur se do të kualifikoheshim, do të shkonim në 8-she. Barcelona na prishi punë.

Blendi Fevziu: Ju keni shënuar 2 gola ndaj Barcelonës.

Vasil Ruci: 3 muaj përpara, Barcelona humbi finalen e Champions dhe më pas erdhi dhe luajti me ne.

Blendi Fevziu: Si ishte momenti kur ju ra shorti dhe ju duhej të përballeshit me Barcelonën?

Vasil Ruci: Të gjithë ishim të grumbulluar në Llogara dhe kur na ra shorti, askujt nuk iu besohej që do të luanim me Barcelonën. 3 muaj më para kishte humbur me Champions League. Erdhën goxha gazetarë në atë kohë në Vlorë ku luhej ndeshje.

Blendi Fevziu: A patët emocione në ndeshjen e parë?

Vasil Ruci: Erdhën një javë para dhe na panë në një ndeshje gazetarët e Barcelonës. Dhe më pyet gazetari se “a do të bësh gol me Barcelonën”? “Shumë e vështirë që t’i bësh Barcelonës gol”, i thashë, “por fatin do ta kem unë atë ditë” dhe kështu ndodhi.

Blendi Fevziu: Kur Barcelona mbërriti në Vlorë?

Vasil Ruci: Publiku vlonjat e kishte ëndërr të shikonte një Barcelonë në stadiumin e saj, stadium që merret 8 mijë vende dhe unë besoj se atë ditë kanë qenë 15 mijë vetë të futur në stadium. Njerëzit kishin ardhur që në orës 11:00, ndeshja ishte në 16:00 dhe me qeska me vete me ujë ishin futur në stadium që në 11:00 dhe na pyesin “sa do të hani”. Ne e kishim frikën, por që ekipi jonë ishte një ekip me element shumë të mirë.

Blendi Fevziu: Barazuar 1 me 1, çfarë ndodhi pas barazimit?

Vasil Ruci: Minutin e fundit barazoi. Futbollisti që shënoi golin ndaj nesh, erdhi disa ditë më parë në Vlorë dhe nuk e njihte sepse ishte ndryshuar.