Inter përgatitet të presë Arturo Vidal, i cili do të jetë mbrëmjen e sotme në Milano për të kryer vizitat mjekësore ditën e nesërme e për tu vënë në dispozicion të teknikut Antonio Conte, i cili e ka kërkuar me shumë ngulm gjatë kësaj merkatoje, raporton Calciomercato.
GATI PËR FIORENTINËN? – Vidal do të firmosë një kontratë dy-vjeçare me zikaltrit, ndërsa Conte kërkon ta ketë titullar që në ndeshjen hapëse të sezonit përballë Fiorentinës, e programuar për të shtunën e ardhshme.
NUMRI I FANELLËS – Kileni e ka gati numrin në fanellën zikaltër, 22 që mbante edhe te Barcelona. Ish lojtari i Juventus ka kërkuar numrin 8 por që i përket tashmë Vecinos, i cili duket larg Interit.