Kur duhen dhe dy ditë nga rifillimi i stërvitjes për klubet e Superiores, stadiumi “Flamurtari është dezinfektuar pasditen e sotme. Fusha e blertë, korridoret, dhomat e zhveshjes, të masazhit, tribunat, pankinat e futbollistëve dhe gjithçka tjetër. Megjithëse kuqezinjtë nuk duken gati për rifillimin e kampionatit, për sa i përket masave anticovid, ato janë zbatuar me përpikmëri.
Administratori i klubit Vlonjat Sinan Idrizi është shprehur se rifillimi i kampionatit duket i padrejtë, pasi futbollistët nuk janë aspak gati për të rifilluar aktivitetin. Pauza më tepër se 2 mujore, ka ndikuar jo mirë në formën e lojtarëve, pasi shumica prej tyre kanë shtuar edhe peshë.