Baba Vanga është bërë e famshme për shkak të parashikimeve të ngjarjeve tronditëse siç ishte sulmi i 11 Shtatorit”, krijimi i ISIS-it, apo katastrofa e Çernobilit. Mirëpo përveç këtyre, Baba Vanga flitet të ketë parashikuar edhe vdekjen e një këngëtareje, e cilësuar si Marilyn Monroe e Jugosllavisë. Në gusht të vitit 1976, Silvana Armenulic shfrytëzoi vizitën e saj në Bullgari për të takuar Baba Vangën, e cila ishte e njohur për profecitë e saj.
“Unë nuk dua të flas me ju. Jo tani. Shkoni dhe ejani pas tre muajsh”, mësohet të ketë thënë ajo pas disa minutash heshtjeje. Por më pas kur këngëtarja kishte qenë te dera duke e larguar, Vanga iu drejtua me këto fjalë: “Prisni, nuk do të keni mundësi të vini … Shkoni, shkoni, nëse mundeni, ejani!”. Silvana Armenulic u nda nga jeta më 10 tetor 1976 në një aksident automobilistik në autostradën Beograd-Nish, afër Kolarit. Në të njëjtin aksident, u vranë edhe motra e saj dhe kreu i Orkestrës Kombëtare të RTV Beogradit, i cili drejtonte automjetin.
Deri më tani vizionet e Baba Vangës flitet të kenë dalë në 85% të rasteve.
