Teknologji

Apple përditëson ndihmësin zanor Siri

Kompania “Apple” u ka lëshuar zhvilluesve iOS 14.5 beta 6, ndër risitë e të cilit do të jetë edhe zhdukja e zërit të paracaktuar femëror për Siri-n, ndihmësi zanor i iPhone. Në fazën fillestare, do të jetë e nevojshme të zgjidhet manualisht nëse Inteligjenca Artificiale e shtëpisë Cupertino do të duhet të flasë me tonin e një gruaje apo të një burri, në mënyrë që të favorizojë një ekuilibër më të madh në preferencat personale.

Për më tepër, disa vende, do të përftojnë kalimin e Siri-t në motorin nervor tekst-të folur (NTTS), që përdor teknologjitë e të mësuarit të makinës për të gjeneruar një përgjigje më afër zërit njerëzor, përfshirë thekset dhe kadencat e veçanta zanore. Një tjetër tipar shumë i pritur është ai që lejon një monitorim më të saktë të gjendjes së baterisë, veçanërisht në telefonat inteligjentë të familjes iPhone 11.

Rikalibrimi do të hyjë në fuqi pas disa javësh përdorimi. Përveç këtyre, iOS 14.5 do të prezantojë mundësinë e zhbllokimit të iPhone me biometri, edhe nëse është vendosur një maskë, duke përdorur një Apple Ëatch në kyçin e dorës.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: