Një iPhone shitet gjithmonë. Edhe nëse nga vetë Apple ishte dërguar për tu nxjerrë jashtë pune. Apple po hedh në gjyq një ish kompani partnere e cila ishte e ngarkuar me riciklimin e materialeve të iPhonë-ve të vetë jashtë funksioni. Sipas tyre GEEP Canada ka marrë një pjesë të tyre, i ka rregulluar e më pas shitur pa marrë leje, ekzaktësisht 103,845 prej tyre.

Nga janari 2015 deri dhjetor 2017, Apple ka dërguar gati 500,000 iPhonë, iPade dhe Apple Watches për shkatërrim. Një kontroll i Apple zbuloi se të paktën 18% e tyre vazhdojnë të futen në internet me valët e telefonit.

Apple pretendon të paktën 31 milion dollarë kanadez nga ish partneri. Kompania e akuzuar mohon akuzën por nuk e mohon faktin se ka pasur një vjedhje të cilën ia atribuojnë tre punonjësve të vetë. Këta punëtorë sipas Apple kanë qenë në radhët e larta të menaxhimit.