Lamborghini Huracan nga firma për modifikimin e makinave, Zyrus, e cila arrin të prodhojë 1,200 kuaj-fuqi, ka lënë “gojëhapur” entuziastët e makinave me shpejtësinë e tij.
Modeli i modifikuar, është incizuar duke vënë në pah përformancat e jashtëzakonshme të integruara nga Zyrus në pistën e garave në Nuremberg të Gjermanisë, shkruan CarBuzz. Për ta përfunduar një xhiro, makinës i duhen 6 minuta e 29 sekonda. Sidoqoftë, Nga 24 njësi, aq sa janë planifikuar gjithsej për prodhimin, vetëm 12 nga Zyrus LP1200 do të lejohen për rrugë.
