Turizëm

Fundjava në Brataj të Vlorës/ Fshatin po e vizitojnë shumë pushues, emigrantët janë kthyer për të investuar

Shqiptarët po zgjedhin gjithnjë e më shumë vende të qeta për të kaluar fundjavat larg zhurmave të qytetit. Fshati Brataj në Vlorë duket se është kthyer së fundmi në një atraksion turistik për vendas e të huaj që e zgjedhin të kalojnë kohë në natyrë dhe ajër të pastër.

I pozicionuar pranë lumit ‘Shushicë’, vizitorët mund të kalojnë mbi Urën Veneciane e cila lidh dy anët e lumit në fshati Brataj, rrugën e vjetër të Karvanëve me atë të Rrëzës. Kohët e fundit, fshati ka marrë një hov zhvillimi me kthimin e emigrantëve në atdhe, të cilët përmes investimeve që kanë kryer në zonë duket se po i rikthejnë gjallërinë këtij fshati turistik.

Shumë prej shtëpive të braktisura prej kohësh, tashmë po rijetëzohen dhe po përshtaten për struktura agroturizmi, ku kërkesa për to sa vjen e rritet si nga shqiptarët ashtu edhe nga vizitorët e huaj.

Banorë të zonës së fshatit Brataj flasin për zhvillimin që po merr kjo zonë e Vlorës, teksa grupin e xhirimit të TCH nuk ngurrojnë ta përshëndesin me një këngë labe. Bukuritë natyrore të fshatit dhe arkitektura e veçantë e urës Veneciane ka bërë që objekti të përfshihet në guidat e zonës duke nxitur kështu turizmin kulturor e historik.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: