Një burrë nga Australia ka udhëtuar deri në Stokholm vetëm që të “bënte copash” veshët e tij.

Charles Bentley bëri udhëtimin e gjatë në mënyrë që të hiqte pjesën e brendshme të veshëve të tij duke formuar një formë rrethi.

Ndërhyrja aspak e zakontë vjen në kuadër të një trendi të ri që po qarkullon mes personave që u pëlqen të modifikojnë trupin.

Australiani e kreu procedurën në një studio të quajtur “Calm Body Modification”.

Sonchai Maibert, i cili e drejton studion postoi dy foto të veshëve në faqen e kompanisë në Facebook duke shkaktuar një numër të madh reagimesh.

Bashkë me fotot ai sqaroi se thashethemet që kjo procedurë mund të dëmtojë dëgjimin nuk janë të vërteta.