Një i ri shqiptar, i moshës 31-vjeçare ka ndërruar jetë në Greqi, disa ditë pasi dyshohet se u plagos nga një shtetas grek.
Mësohet se i riu kishte marrë plagë të rënda në kokë. Ditën e mërkurë, ai ka ndërruar jetë në spitalin ku ndodhej i shtruar prej datës 27 prill.
Mediat greke shkruajnë se 31-vjeçari ishte përfshirë në një sherr në zonën e quajtur Sitea, një fshat në Kretë, ku u qëllua me sende të forta nga një 17-vjecar grek.
Pas ngjarjes policia e ka arrestuar të miturin grek, por u lirua nga Gjykata. I mituri tha se gjatë sherrit, shqiptari kishte rënë dhe kishte goditur kokën, duke marrë plagë të rënda.
Por hetimet do zbulojnë nëse shqiptari u qëllua nga i mituri apo plagët u shkaktuan pas rrëzimit në tokë.
