Komisioneri Shtetëror për Zgjedhjet, Ilirjan Celibashi deklaroi se do të pezullohen përgatitjet për zgjedhjet në Tiranë, pas vendimit të Gjykatës Kushtetuese.
“KQZ ka pezulluar procesin për Tiranën. Çdo veprim i KQZ që lidhet me përgatitjen e zgjedhjeve është pezulluar që ditën e djeshme. Në datën 9 nëntor do zhvillojmë zgjedhje për 5 bashkitë e tjera. Bazuar në vendimin e Gjykatës Kushtetuese, do duhet ta respektojmë. Kjo është e qartë.
KQZ nuk mund të kryejë asnjë lloj veprimi që lidhet me Bashkinë e Tiranës. Eshtë kompetencë e Gjykat/s Kushtetuese për ankimin e zotit Veliaj për shkarkimin e tij. Do vendosë Gjykata Kushtetuese. KQZ nuk është duke zhvilluar asnjë veprimtari për zgjedhje në Tiranë më 9 nëntor”, tha Celibashi.
