Një aksident i rëndë raportohet të ketë ndodhur në Greqi, ku si pasojë ka humbur jetën një shtetas shqiptar.
Mediat vendase shkruajnë se ngjarja ka ndodhur në zonën e njohur si Menidi, ku fuoristrada e këngëtarit Janis Ksanthopoulos, 24 vjec, ka devijuar majtas rrugës dhe është përplasur kokë më kokë me një automjet tjetër.
Pas përplasjes, mjeti i dytë në të cilin ndodheshin dy 20-vjeçarë është përplasur me një shtyllë të energjisë elektrike, ku ka mbetur i vdekur njëri prej tyre, Antonio Daja nga Hajmeli i Vaut të Dejës.
Gjithashtu nga përplasja e mjeteve kanë mbetur të plagosur lehte dy drejtuesit e mjeteve, të cilët janë arrestuar nga policia.
