Një aksident rrugor është regjistruar pasditen e së mërkurës në aksin Tepelenë-Krahës, pranë fshatit Iliras, ku dy automjete janë përplasur me njëri-tjetrin teksa qarkullonin në drejtime të kundërta.
Si pasojë e përplasjes, kanë mbetur të lënduar 8 persona, të cilët janë transportuar me urgjencë në spitalin e Gjirokastrës.
Dje Rreth orës 18:30, në aksin rrugor “Tepelenë–Krahës”, në vendin e quajtur “Iliras”, automjeti me drejtues shtetasin indian Sh. P., 27 vjeç, është përplasur me automjetin me drejtuese shtetasen L. B., 42 vjeçe, banuese në Tiranë.
Si pasojë e aksidentit, janë dëmtuar lehtë 2 drejtuesit e automjeteve dhe 6 pasagjerë, të cilët ndodhen në Spitalin Rajonal Gjirokastër, për ndihmë mjekësore.
Grupi hetimor vijon punën për sqarimin e plotë të rrethanave të aksidentit.
