Dy automjete janë përplasur kokë më kokë pasditen e sotme në autostradën Tiranë-Durrës. Burime zyrtare bëjnë me dije se si pasojë e përpasjes së dy automjeteve është rrëzuar një shtyllë tensioni që ka qenë aty pranë. Shtylla ka rënë mbi një tjetër automjet në këtë aks rrugor.
Të plagosur kanë mbetur dy drehtuesit e makinave që u përplasën fillimisht. Ata janë dërguar në spital dhe po marrin ndihmën e nevojshme mjekësore.
Njoftimi i policisë Tiranë Rreth orës 19:50 në autostradën Tiranë-Durrës janë përplasur 2 automjete. Si pasojë e përplasjes është dëmtuar një shtyllë tensioni,e cila ka goditur dhe dëmtuar një automjet tjetër në këtë aks rrugor.
Drejtuesit e dy automjeteve të përplasura, shtetasit J. B dhe D. H u dërguan në spital për ndihmë mjeksore. Policia rrugore ndodhet në vendngjarje,ku po vijon punen për sqarimin e rrethanave të ngjarjes dhe shkakut të aksidentit.
