Rrustem Hasaj, babai i 29-vjeçarit Arjon Hasaj, i cili akuzohet si autori i vrasjes së Ramazan Mataj, krimi ndodhur mbrëmjen e 4 Janarit në fshatin Dragoç të Shkodrës, është shprehur se ka qenë në dijeni të lidhjes jashtëmartesore të vajzës së tij me viktimën.
“Është e vërtetë që e ka ngacmuar, por unë e kam lënë në heshtje hajt se fshatarë, ka hequr dorë’. Jam në dijeni që e ka ndjekur dhe ngacmuar. Vajza ka pasur lidhje jashtëmartesore me të”, u shpreh babai i autorit.
Rrustem Hasaj u shpreh se nuk ka pasur dijeni të vrasjes së kryer nga i biri, teksa deklaroi se Arjoni i ka shkuar edhe në varrim viktimës. Ai rrëfeu se “jeta ime ka mbaruar”, duke i kërkuar falje babait të 33-vjeçarit Ramazan Mataj.
Rrustem Hasaj tha se djali i tij ka lënë 4 fëmijë jetima dhe se duhet të marrë dënimin e merituar për vrasjen e kryer.
“Ai që e ka bërë të marrtë dënimin e merituar, e thotë baba me shpirt, nuk ka pasur nevojë që të më linte 4 jetimë në rrugë të madhe e të bënte këtë gjest”, u shpreh ai për TCh.
Ndërsa kërkoi ndihmë nga shteti për t’u zhvendosur nga fshati Dragoç, ku është edhe fqinj me familjen e viktimës duke theksuar se “as nuk mund ti shoh dhe as nuk mund të më shohin”.
Rrustem Hasaj: Unë si babë jam shumë i mbaruar nga ky gjest, jam lindur dhe rritur me të, i kërkoj ndjesë familjes së tij dhe rahmet pastë. Nëse do e kisha ditur, nuk do të kishte shkuar në atë gjendje. Unë isha në Tiranë, më arrestuan në Tiranë, mora vesh se kishin kapur djemtë.
Nuk kam pasur dijeni që kanë pasur armë, kanë vrarë apo nuk kanë vrarë. Madje djali i madh është nisur për punë. I kërkoj falje fisit, në radhë të parë babait të tij që nuk kam pasur kurrë debat me të, kemi pasur një shoqëri të mirë. I kërkoj ndjesë edhe njëherë, jeta ime ka mbaruar. Nëse do të isha në dijeni, s’do të kishte ndodhur.
Më kanë kapur tek spitali në Tiranë, qëndrova dy orë atje dhe më pas 3 orë në Shkodër, bëra një deklaratë që nuk kam pasur dijeni.
Ai që e ka bërë të marrtë dënimin e merituar, e thotë baba me shpirt, nuk ka pasur nevojë që të më linte 4 jetimë në rrugë të madhe e të bënte këtë gjest.
Nuk kam dërguar fjalë dhe nuk kam fytyrë ti dal para sepse jam fajtor. Nuk kam pasur dijeni. Kam qenë në Tiranë dhe ditën e varrimit më kanë thënë që kanë shkuar edhe në varrim. S’duhet të shkonin në varrim, i kërkoj ndjesë Fatmir Matës, i kërkoj hallall, më mori në qafë.
Djali ka deklaruar se vajza është prishur me burrin e parë nga ky person, me burrin e dytë po ashtu dhe debatet tjera që kanë pasur me njëri-tjetrin vetëm ata të dy e dinë.
Është e vërtetë që e ka ngacmuar, por unë e kam lënë në heshtje hajt se fshatarë, ka hequr dorë’. Jam në dijeni që e ka ndjekur dhe ngacmuar. Vajza ka pasur lidhje jashtëmartesore me të, shteti nëse ka mundësi për hir të fytyrës së katundit, që s’jemi mësuar me këto punë. të më dërgojë diku sepse as nuk mund ti shoh dhe as nuk mund të më shohin.
