Ditë me diell dhe rritje temperaturash. Ky është parashikimi i motit për këtë javë nga Shërbimi Meteorologjik Ushtarak. Parashikohet se në vendet malore do të ketë reshje dëbore por jo me intensitet të lartë.
“Pas situatës me reshje të kësaj fundjave parashikohet rikthimi i ditëve me diell e hera herës vranësira deri mesatare.
Prezente gjatë mëngjeseve do të jetë mjegulla e mjegullina në lugina. Era, përgjithësisht parashikohet nga lindja e veriperëndimi e lehtë e mesatare.
Gjatë së enjtes e të premtes do të vërehet shtim i saj përgjatë bregdetit, duke u pasuar nga valëzimi i forcës 3 dhe 4 ballë.
Po kështu, temperaturat negative si në tabelë në disa zona, do të sjellin ngrica dhe brymë të përkohshme”, njoftohet nga Shërbimi Meteorologjik Ushtarak.
