Sot 28 nëntor, është festa kombëtare e Pavarësisë së Shqipërisë dhe në Vlorë po zhvillohet ceremonia e ngritjes së flamurit.
Të pranishëm në ceremoni janë kryeministri i vendit Edi Rama, presidenti Ilir Meta dhe Gramoz Ruçi.
Ndërkohë në Tiranë, po mbahen homazhe te “Dëshmorët e Kombit”, ku i pranishëm është kreu i Partisë Demokratike, Lulzim Basha dhe deputetë të opozitës.
Më 28 Nëntor të vitit 1912 u shpall Pavarësia e Shqipërisë nga patriotët e drejtuar nga Ismail Qemali dhe kjo ditë u zgjodh sepse në vitin 1443 heroi kombëtar Gjergj Kastrioti me forcat e tij çliroi Krujën dhe ngriti flamurin kuq e zi.
