Dy persona kanë rënë në prangat e policisë së Durrësit, pasi akuzohen për djegien e një makine 5 ditë më parë.
Burime zyrtare nga policia bënë me dije se bëhet fjalë për dy të rinj. Ata akuzohen se më datë 6 gusht, në lagjen nr. 1, të kryer më datë 06.08.2023, rreth orës 05:10 i vunë zjarrin një makine.
NJOFTIMI I POLICISE
Dogjën automjetin e një shtetasi, identifikohen, kapen dhe vihen në pranga 2 shtetas. Si rezultat i veprimeve hetimore të kryera nga shërbimet e Komisariatit të Policisë Durrës, për identifikimin e autorëve të djegies së qëllimshme të një automjeti, në lagjen nr. 1, të kryer më datë 06.08.2023, rreth orës 05:10, është finalizuar operacioni policor i koduar “Rec.”, në kuadër të të cilit u identifikuan, u kapën në bashkëpunim me Policinë e Vlorës, dhe u vunë në pranga shtetasi S. K., 26 vjeç dhe një 17-vjeçar, të dy banues në Vlorë.
Nga hetimet është provuar se këta 2 shtetas kanë djegur qëllimisht, automjetin e shtetasit E. Gj. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
