Drejt përfundimit një tjetër investim i qytetit të Vlorës, që pritet t’u vijë në ndihmë banorëve të lagjes Kushtrim. Një investim me një vlerë prej 915 milion lekë të vjetër pritet të jetë gati në muajin mars për qytetarët vlonjatë. Ka qenë kryetari i bashkisë Dritan Leli i cili ka inpesktuar ecurinë e punimeve dhe sipas tij punimet e realizuara në masën 70 % pritet të përfundojnë në pranverë të vitit 2019. Sipas Lelit do të jetë gati për sezonin e ardhshëm turistik. Sipas kryebashkiakut Leli ky investim është me parametra bashkohohe ku do të jetë 12 mijë metra-katror asfalt , 450 pemë , 150 shtylla ndriçimi . Një punë e mirë dhe e domosdoshme ka qenë investimet në ujrat nëntokësore.
Ndërkohë për portalin tonë një prej banorëve u shpreh se kjo rrugë ka qenë gangrena e qyteit dhe ky investim do jetë një shpëtim për komunitetin dhe jo vetëm.
Investimi kësaj rruge do të jetë unaza e qytetit ku rruga Ramize Gjebra lidhet me autostradën Levan-Vlorë dhe bashkohet me rrugën e Pyllit të Sodës për të dal në zonën e Skelës. Ko rrugë pritet të lehtësojë edhe trafikun e qytetit të Vlorës
.
