Është gjetur trupi i pajetë i 30-vjeçarit Jurgen Karaj, i cili u aksidentua në Klos në 10 janar të këtij viti dhe më pas dyshohet se u mora nga rrjedha e përroit. Pas një muaji kërkime, bëhet me dije se trupi i pajetë i Karajt është gjetur rreth 30 kilometra nga vendi ku ndodhi aksidenti, në lumin e fshatit Urakë.
“Në orët e para të mëngjesit të sotëm, në lumin e fshatit Urakë, u gjet një trup i pajetë, i cili dyshohet se i përket shtetasit J. K., 30 vjeç, i cili më datë 10 janar 2026 u mor nga rrjedha e përroit të fshatit Dars. Trupi i pajetë do të transportohet në Institutin e Mjekësisë Ligjore për kryerjen e ekspertizës mjeko-ligjore, me qëllim përcaktimin e saktë të identitetit dhe shkaqeve të humbjes së jetës”,- njoftoi Policia.
Ngjarja e rëndë u regjistra më 10 janar, rreth orës 01:30, në fshatin Darsë të Klosit, kur një mjet tip Audi me targa angleze doli nga rruga dhe përfundoi në shtratin e përroit.
Makina drejtohej nga Andi Lloshaj, 24 vjeç, banues në Fullqet, për të cilin testimi i alkoolit tregoi se ai drejtonte automjetin në gjendje të dehur. Në mjet ka qenë edhe 30 vjeçari Jurgen Karaj, banues në të njëjtin fshat, i cili dyshohet se pas aksidentit është marrë nga rrjedha e përroit. Ky i fundit është gjetur i pajetë këtë të shtunë, ndërkohë Andi Losha është arrestuar nga policia, pasi dyshohet se nuk e ka ndihmuar 30-vjeçarin.
