Një ngjarje e rëndë raportohet të ketë ndodhur këtë të shtunë, në qytetin e Vlorës. Një fëmijë 4-vjeçar është dërguar në spitalin e qytetit pa shenja jete. Sipas raportimeve familja e 4-vjeçarit e cila jeton në Palasë, e ka dërguar me urgjencë deri në Orikum dhe prej aty, ambulanca e Orikumit e ka dërguar pa shenja jete në spital.
Sipas informacioneve nga këqyrja paraprake, nuk janë konstatuar shenja dhune apo dëmtime të tjera, ndërsa thuhet se fëmija ka qenë për një javë me simptoma temperature, të vjella e diarre. Mësohet se aktualisht spitali po zhvillon ekzaminime mjeko-ligjore, ndërsa prokuroria ka nisur hetimet për rastin.
