Një i ri shqiptar humbi jetën në mënyrë tragjike në Itali të martën. Mësohet se 38-vjeçari, identiteti i të cilit nuk bëhet ende i ditur, po udhëtonte me biçikletë kur u aksidentua nga një makinë. Ngjarja ndodhi në një provincë të Barit.Sipas mediave, i riu u përplas nga një mjet që drejtohej nga një grua. Kjo e fundit ndaloi që t’i jepte shqiptarit ndihmën e nevojshme mjekësore, por fatkeqësisht plagët ishin të rënda dhe i riu ndërroi jetë.Mëngjesin e aksidentit ai kishte dalë nga shtëpia dhe ishte nisur për të shkuar në punë, por fatkeqësisht humbi jetën.