Një 40 vjeçar në Elbasan është arrestuar për përndjekje. Prej një muaji burri përndiqte një vajzë 23 vjeçare duke i shkaktuar asaj ankth dhe frikë.
“Komisariati i Policisë Elbasan pas kallëzimit nga një 23-vjeçare se një 40-vjeçar e kishte përndjekur në mënyrë të vazhdueshme, duke i shkaktuar asaj pasiguri dhe frikë, kanë organizuar punën dhe kanë ndaluar shtetasin”, informoi sot policia.
Më tej në njoftimin e bluve thuhet se 40 vjeçari me inicialet S. P., akuzohet për veprën penale “Përndjekja”.
Materialet i kaluan Prokurorisë për veprime të mëtejshme.
