Thuhet se një grua nuk mund të bëjë punën e burrit, por historia e Elmias tregon të kundërtën. Ajo punon njësoj si burri i saj mekanike dhe punojnë në të njëjtin servis.Bashkë me të shoqin Hasanin, kanë një servis në hyrje të qytetit të Shijakut. Hasani ka thënë: Në këtë zanat unë kam 18 vite dhe nuk duhet të jesh gjaknxehtë, kokëfortë dhe i ngutshëm në këtë zanat.
Për ‘abc news’, ai ka treguar se kurrë nuk ka qenë kundër që gruaja e tij të punojë me të. Madje ai ka thënë se e ka mësuar.
Kurse e shoqja e tij ka treguar: Punojmë vijmë dhe ikim bashkë, siç më thotë bëj. Deri diku bëj dhe vetë. I shoqi i saj më pas ka shtuar: Në një vit pati vështirësi, por tashmë e ka marrë dorën pasi femrat e kanë më të shkathët trurin.
Këto ditë kanë qenë edhe më të vështira për të për shkak të pandemisë së koronavirusit. Elmia ka treguar: Ka qenë vështirë dy muaj kemi qenë në shtëpi. Gjatë qëndrimit në shtëpi kemi pas kërkesa por më shumë kemi funksionuar nga shtëpia.
