Një 30 vjeçar shqiptar është dënuar me 11 vite burg nga autoritetet britanike, pasi akuzohet për trafik droge dhe pastrimin e rreth 2 milionë paund në Shqipëri e Hollandë. Bëhet fjalë për të riun Xhuljan Shehu, i cili përdorte platformën e koduar të komunikimit ‘EncroChat’ për shpërndarjen e drogës.
Sipas medieve të huaja, shkak i zbulimit të vendodhjes së 30-vjeçarit u bë një reklamë e ‘Right Move’, e cila ekspozoi vendndodhjen e biznesit të tij të paligjshëm. ‘Right Move’ është agjenci imobilare në Britani.
30-vjeçari mbikëqyri importimin dhe shpërndarjen e kokainës në Britani, si dhe në disa qytete të Belgjikës, si Anversa dhe Brukseli.
Të ardhurat nga aktiviteti i paligjshëm u pastruan më pas në Shqipëri dhe Hollandë. Gjithashtu shqiptari kultivoi 30 kilogramë kokainë me një vlerë rruge prej 1.05 milionë paund midis 23 marsit dhe 2 qershorit 2020, në një banesë në Ëhittington Way, Pinner, Harroë nën emrin ‘Maidenram’ në EncroChat. Ai planifikoi që me të ardhurat nga tregtia e drogës të blinte prona në Shqipëri me vlerë 2 milionë funte.
Arrestimi i 30 vjeçarit u bë më 24 nëntor të vitit 2021 në High Street, Uxbridge. Hetimet e mëtejshme treguan se ai kishte përdorur një pasaportë false greke për të siguruar qiranë në apartamentin Pinner, në një përpjekje për të fshehur identitetin e tij. Në seancë i riu mohoi akzuat që rëndojnë mbi të, duke pretenduar se punon në ndërtim dhe se studion me kohë të pjesshme
