Ministria e Mbrojtjes është angazhuar për tu krijuar kushte sa më të mira jetese familjeve të trupave të Forcave të Armatosura. Fëmijët e efektivëve të FA aktivizohen në kurse dhe aktivitete të ndryshme kulturore dhe sportive që organizohen nga Qendra Kombëtare e Kulturës.

Ministria e Mbrojtjes kujdeset edhe për ekspedita të këtyre fëmijëve në destinacione të ndryshme të trashëgimisë kulturore e historike të vendit tonë. Një pjesë e tyre kanë vizituar këtë fundjavë kështjellën e Rozafës në Shkodër ku kanë patur mundësinë të ushtrojnë dhe pasionin e tyre për pikturën.

“Forcat e Armatosura janë një familje e madhe që nuk e bashkojnë vetëm armët. Këta janë fëmijët e ushtarakëve të Kursit të Pikturës, të cilët këtë fundjavë vizituan kështjellën e Rozafës në Shkodër. Në Qendrën tonë të Kulturës me dhjetëra fëmijë të efektivëve të FA janë pjesë e kurseve të pikturës, muzikës, aktrimit dhe sporteve,” shprehet ministrja Olta Xhaçka.