Futbollisti i ekipit të Milanit, Zlatan Ibrahimovic ka zbuluar në rrjete sociale se e ka fituar betejën me koronavirusin. Prej 15 ditësh në karantinë, ka marrë testin negativ dhe është më i lumtur se asnjëherë pasi do të jetë në gjendje për ndeshjen kundër Interit që do të luhet më 17 Tetor.
Në një shkrim në rrjete sociale, shkroi: “U shërova! Autoritetet e shëndetësisë më njoftuan se karantina mbaroi. Mund të dalësh! Po vij për të gjithë ju. F*ck Covid-19″. Ditët e fundit, Ibra po kryente vazhdimisht tampone, por nuk po i rezultonin negativë. Gjithsesi, më në fund e ka mposhtur virusin famëkeq dhe është rikthyer në shtëpinë e Milanit ku do i bashkohet menjëherë ekipit.
