Më 22 janar një grabitje ndodhi në Memaliaj, teksa autori i vjedhjes goditi dhe me qytën e pistoletës dy të moshuarit në fytyrë, duke i lënë të dergjen nëpër spitale.
Këtë të martë policia ka njoftuar se më në fund hajduti është kapur. Prangosja e tij është bërë në Shkodër. Në duart e policisë ka rënë Ilirjan Korbi, 29 vjeçar nga Paskuqani.
29 vjeçari grabiti në dyqanin e çiftit të moshuar, në momentet kur këta të fundit ndodheshin ende në dyqan. Pas vjedhjes së rreth 500 mijë lekësh të vjetra, i riu i cili u nis nga Paskuqani e vodhi në Memaliaj, është larguar për t’u fshehur në Shkodër, për të bërë të mundur humbjen e gjurmëve të tij.
