Një 35-vjeçar ka humbur jetën në Durrës teksa ai po transportohej në spital, pasi ka dyshime se ai është vetë plagosur me armë gjahu.
Sipas njoftimit zyrtar të policisë, ngjarja ka ndodhur në lagjen 13 të qytetit bregdetar, ku shtetasi me iniciale O.Sh ndërroi jetë gjatë transportimit në spital.
Ndërkohë grupi hetimor po punon për zbardhjen e plotë të rrethanave të ngjarjes.
Durrës/Informacion paraprak
Rreth orës 08:45, në lagjen nr. 13, dyshohet se është vetëplagosur me armë gjahu, në banesë, shtetasi O. Sh., rreth 35 vjeç, i cili ka humbur jetën gjatë transportimit për në spital.
Grupi hetimor, në drejtimin e Prokurorisë, po punon për zbardhjen dhe dokumentimin e plotë të rrethanave të ngjarjes.
