Talasemia është një nga sëmundjet me më shumë vështirësi në Shqipëri, shkas është bërë mungesa e gjakut. Kryesisht kjo sëmundje është e zhvilluar më së shumti në zonën e Myzeqesë.
Edhe në emisionin ‘ABC e Mëngjesit’, ditën e sotme u trajtua rasti i një djali nga Lushnja. Xhanin Feka është 30-vjeçari, i cili në pamje të parë duket si një 13-vjeçar. Në një lidhje direkte me Skype, ai tregoi si nisi historia e tij me talaseminë, vështirësitë që has nga mungesa e gja kut deri tek pasionet e tij.
“Historia ime nisi në moshën 3-vjeçare kur prindërit e mësuan. Ndërsa tani po bëj 27 vite se jam 30-vjeç. Brenda një muaji duhet të shkoj dy here në spital. Varet nëse banka e gjakut ka mungesa apo nuk ka. Gjendja ime përkeqësohet kur mungon. Në muaj unë mund të kem nevojë dy herë, varet nga gjendja. Gjatë pandemisë, mundohemi në maksimum të ndjekim rregullat me maska e dorashka. Prindërit e mi nuk mund të dhurojnë gjak se janë në moshë madhore, por vijnë shokët, miqtë”, tha ai.
Sakaq, Xhanini i bëri thirrje gjithë shqiptarëve të dhurojnë gj ak, sepse për ta është jetike.
“I bëj thirrje shqiptarëve të dhurojnë gjak, se merr vetëm 10 min kohë ndërkohë ne na kushton 10 ditë jetë. Unë për momentin jam i papunë, ndërsa pasionet e mia janë kompjuterike, pra teknologjia”, shtoi djali.
Më tej, foli edhe mjeku transfuziolog dhe përgjegjësi i bankës së gjakut në Lushnje Dr. Endrit Susaj, i cili theksoi se zona e Myzeqesë mban një ‘rekord’ me 117 pacient për sa i përket talasemisë dhe numrin më të lartë e ka qyteti Fierit.
“Ne duhet të pranojmë që nuk e kemi pjesë të kulturës sonë të dhuruarit gjak. Problem për sigurimin e gjakut qendron se këta nuk e marrin gjakun vetëm nga grupi i tyre sepse duhet të marrin edhe në sistemet e tjera të gjakut. Gjetja e gjakut për pacientët është shumë e vështirë. Në qoftë se të dy prindërit janë mbartës, kuptohet me një analizë, e cila nuk kushton shumë. Nëse ata marrin riskun e një shtatzënie, behet një anzlizë dhe shikohet nëse foshnja e ka të trashëguar. Pastaj zgjedhja i mbetet atyre, por unë në asnjë mënyrë nuk rekomandojë abortin”, u shpreh doktori.
Më tej, ai tha se talasemia nuk është e përhapur vetëm në zonën e Myzeqesë, por edhe në qytete të ndryshme, madje edhe në Itali.
“Edhe në Maliq ka edhe Korça edhe Shkodra. Di të them që talasemia është e përhapur edhe në Italinë. Arsyen nuk e di, ndoshta janë bërë martesa atje. Studimi që është bërë në myzeqe tregon se janë autoktonë mbartës”, përfundoi Susaj. Marrë nga Abc News
