Në Ukrainë ka hyrë në fuqi gjendja e luftës e miratuar të martën nga parlamenti në Kiev.
Ushtria ka marrë nën kontroll kryesisht rajonet kufitare me Rusinë dhe ato të populluara nga rusisht-folësit.
Ndërsa presidenti amerikan Donald Trump paralajmëroi se do të refuzojë të takohet me Putinin, siç ishte parashikuar për në takimin e kësaj jave të G-20-ës në Argjentinë.
Trump u shpreh se ishte kundër çfarëdo lloj agresioni dhe se po priste zbardhjen e plotë të ngjarjes për të vendosur.
Forcat detare ruse arrestuan 24 marinarë ukrainas pasi sulmuan 3 anijet e tyre, me pretendimin se kishin hyrë në ujërat territoriale ruse.
Autoritetet ukrainase thanë se 12 prej tyre ishin agjentë të kundërzbulimit të Ukrainës.
