Janë zbuluar të tjera detaje që mund të hedhin dritë mbi vrasjen e ndodhur pasditen e sotme në Selitë, ku u ekzekutua ish-efektivi i policisë, 50-vjeçari Arben Bilali.
Burime prej grupit hetimor raportojnë se 50-vjeçari është qëlluar me automatik, nga një person i paidentifikuar që lëvizte me një makinë tip “Benz”, ngjyrë e zezë.
Nisur prej plumbave të shumtë të marra në trup, dyshohet se viktima ka qenë duke ecur, por ende nuk është ndërtuar skena e ngjarjes.
Grupi hetimor ka gjetur gëzhoja, të cilat mund t’u vunë në ndihmë sa i takon hetimeve. Ndërkaq, janë marrë edhe dëshmi në vendngjarje lidhur me identikitin e autorit.
Një tjetër detaj që mund të ndihmojë në hetime është fakti që bashkëshortja e ish-efektivit të vrarë është gjithashtu police, me rol drejtues në Drejtorinë e Policisë së Tiranës.
Kujtojmë që Arben Bilalit i është bërë atentat edhe në maj të vitit 2010, por në gusht të vitit 2010, qe vëllai i tij ai që u vra në të njëjtin vend ku Arben Bilali u ekzekutua sot.
