Inspektorati Shtetëror Shëndetësor i degës Rajonale Gjirokastër ka kryer 39 inspektime, ndërsa nuk kanë konstatuar asnjë shkelje. ISHSH Gjirokastër bën të ditur se “në mënyrë më të detajuar janë monitoruar 9 tregtime produktesh ushqimore, 3 farmaci, 2 zyra pagesash, 16 tregtim produktesh jo ushqimore, 8 fasone, një fabrikë uji”.
“Nga monitorimi u konstatua se subjektet zbatonin protokollet sipas riskut të miratuara nga Ministria e Shëndetësisë dhe Mbrojtjes Sociale. Në 7 subjekte fason që u kryen monitorime nga task-forca e ngritur rezultoi se 2 fasone ishin të mbyllur, 4 fasone respektonin të gjitha kushtet e protokollit të kuq, 1 fason nuk kishte marrë lejen e ushtrimit të aktivitetit nga e-Albania, nuk kishte termometër infrared, nuk kishte afishuar protokollet e sigurisë dhe i mungonte kontrata me mjekun. Fasoni kishte marrë masat mbrojtëse (maska, doreza dhe dezinfektantë), respektonte distancimin social dhe ishte i ajrosur me kushte të mira higjieno-sanitare. Ai u këshillua për marrjen e masave për plotësimin e të gjitha mungesave”, – tha ISHSH, Gjirokastër.
Po ashtu, në fabrikën Uji i Ftohtë Tepelenë u krye monitorim nga grupi i taksforcës dhe i respektonte të gjitha kushtet e protokollit të kuq.
