Plot 116 emigrantë të paligjshëm nga vendet e treta janë kapur nga policia në 24 orët e fundit teksa po transportoheshin me qëllim kalimin e paligjshëm të kufirit kundrejt fitimit. Ata janë konstatuar në Korçë, Elbasan dhe Kukës.
Stand up irisi(4 shtetas kanë rënë në pranga teksa janë kapur duke transportuar 78 emigrantë të paligjshëm) Në prangat e policisë së Korçës kanë rënë 4 shtetas, dy prej tyre vëllezërit Amarildo (drejtues të kamionit) dhe Endri Rrushi, si dhe Renard Biçaku e Urim Bajrami.
Ata u konstatuan në afërsi të fshatit Leminot në Maliq të Korçës duke transportuar 78 klandestinë nga Siria, Afganistani, dhe Maroku. Dy vëllezërit akuzohet se kishin rolin e transportuesve, ndërsa dy të ndaluarit e tjerë vëzhgonin rrugën.
Ndërkohë në Elbasan u kapën dhe 13 emigrantë të tjerë, të cilët po transportoheshin nga një 20-vjeçar. I riu u konstatua në fshati Mengël, ndërsa sapo ka pikasur policinë ka tentuar të arratiset, duke braktisur dhe mjetin me të huajt, por është kapur nga shërbimet e policisë. Rasti tjetër u identifikua në qytetin e Kukësit, ku një 37-vjaçar u arrestua pasi po transportonte 25 emigrantë të parregullt sirian.
Situata me emigrantët e paligjshëm që mbërrijnë në mënyrë ilegale nga vendet e treta vijon të jetë problematike.
Prej fillimit të vitit janë kapur në rrugët e vendit 8500 shtetas të huaj që kërkojnë të përdorin Shqipërinë si vend transit për të kaluar drejt vendeve të BE-së.
Rreth 2500 prej tyre kanë kërkuar statusin e azilantit, teksa autoritetet kanë marrë në shqyrtim vetëm gjysmën e tyre. Policia ka konstatuar se përgjatë muajve të fundit çmimi i transportit të emigrantëve drejt kufirit është rritur nga 100 euro në 500 euro për person.
