Policia ka arritur të vërë në pranga një 21-vjeçar nga Mamurrasi, i cili akuzohet se ka kërcënuar shtetasen me inicialet A. Gj., për dhënien e pasurisë, në të kundërt do t’i publikonte asaj disa foto kompromentuese në rrjetet sociale.
Pas denoncimet në polici nga shtetasja A.Gj., ka ardhur edhe arrestimi i 21-vjeçarit.
Në njoftimin e policisë thuhet:
Specialistët për Hetimin e Krimeve ndaj Jetës dhe Pronës në D. V. P., Tiranë, falë një pune të mirëorganizuar hetimore kapën dhe ndaluan shtetasin:
– Y. K., 21 vjeç, banues në Mamurras.
Ky shtetas ndërmjet telefonit ka shtrënguar me anë të kanosjes shtetasen A. Gj., duke i kërkuar një sasi vlere monetare për mospublikimim e disa fotove në rrjetet sociale.
Materialet iu referuan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Shtrëngimi me anë të kanosjes ose dhunës për dhënien e pasurisë”, parashikuar nga neni 109/b i Kodit Penal.
