Koronavirusi i ka marrë jetën një mësuesi në Kukës. Lajmi është bërë i ditur nga kryebashkiaku Safet Gjici. Përmes një postimi në rrjetet sociale, Gjici shkruan se Nehat Sokoli ka humbur jetën si pasojë e Covid-19, ndërsa i shpreh ngushëllimet të afërmve.
“Me dhimbje të thellë dhe hidhërim të madh mësova lajmin e hidhur të ndarjes nga jeta në mënyrë të papritur nga kjo pandemi famëkeqe mësuesit të njohur kuksian Nehat Sokoli. Më lejoni që në këto momente të dhimbshme t’i shpreh familjes, të afërmve të tij ngushëllimet më të sinqerta, në emrin tim personal dhe të qytetarëve kuksian. U prehsh në paqe!”, shkruan ai.
