Qendra Kombëtare për Menaxhim Kufitar në Kosovë ka njoftuar se sot nga ora 6:00, bazuar në vendimin e qeverisë, ka mbyllur kufijtë tokësorë, për udhëtarët që hyjnë në vend, duke përjashtuar shtetasit kosovarë.

Këto masa vijnë për të parandaluar përhapjen e koronavirusit pas raportimeve për dy raste pozitive në Kosovë.

Sipas vendimit të Qeverisë, shtetasit e Kosovës do të mund të hyjnë në vend, por ata do t’iu nënshtrohen kontrolleve mjekësore dhe do të vetizolohen për 14 ditë.

Qeveria e Kosovës më 13 mars, po ashtu mori vendim që të mbyllë kafenetë baret, restorantet dhe qendrat tregtare me përjashtim të ushqimoreve dhe farmacive.

Po ashtu është pezulluar transporti ndërurban dhe ndërkombëtar.

Gjithashtu është pezulluar dhe transporti ajror.