Një aksident i rëndë me 2 viktima dhe 1 të plagosur në një gjendje të rëndë është shënuar në autostradën Tiranë-Durrës në orët e para të mëngjesit të së dielës.

Sipas policisë, mjeti me drejtues shtetasin Arbër Tivari, 26 vjeç ka humbur kontrollin dhe është përplasur me trafikndarësen.

Për pasojë kanë humbur jetën 2 vajza pasagjere në mjet, shtetësja Silva Gjergji dhe një tjetër shtetase ende e paidentifikuar. Në aksident është plagosur rëndë edhe drejtuesi i mjetit Arbër Tivari.

Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e shtetases tjetër që humbi jetën.