Një aksident i rëndë me pasojë vdekjen e një 35-vjeçari ka ndodhur në Tiranë.

Aksidenti ka ndodhur sot në rrugën “Kastriotët” ku për pasojë është përplasur makina me drejtues Egzon Murataj me automjetin me drejtues M.D.

Policia njofton se si pasojë e aksidentit, pasagjeri që ndodhej në automjetin me drejtues Egzon Muratajn, Avni Gjuni rreth 35 vjeç, ka ndërruar jetë, ndërsa drejtuesit e dy mjeteve, Egzon Murataj dhe M.D. ndodhen në spital nën kujdesin e mjekëve.

Raportohet se makina me drejtues Egzon Muratajn ka qenë duke udhëtuar me shpejtësi të lartë e për pasojë ka humbur kontrollin. Fatkeqësisht, kjo ka rezultuar fatale për pasagjerin në këtë automjet, Avni Gjunin.

Grupi hetimor ndodhet në vendngjarje dhe po punon për sqarimin e rrethanave të aksidentit.