Një aksident i rëndë është regjistruar mbrëmjen e djeshme në Brescia, Itali. Mësohet se një makinë me të cilën udhëtonin 4 të rinj shqiptarë, të moshës 19-20 vjeç, ka humbur kontrollin duke u përplasur me një pemë. Për pasojë 4 djemtë janë plagosur rëndë. Ata janë transportuar menjëherë me auotambulancë për të marrë ndihmën mjekësore por një prej tyre nuk ka mundur ti mbijetojë dot plagëve të marra, duke humbur jetën ditën e sotme në spitalin e Chiari. Viktima, i cili drejtonte makinën është identifikuar si shtetasi me inicialet K.H., ndërkaq, edhe një prej të rinjve ndodhet në gjendje serioze për jetën.